وقال خالد الغندور، في تصريحات تلفزيونية عبر فضائية «المحور»: «السوشيال ميديا ودت مجلس إدارة الأهلي في مصيبة، لما النادي الأهلي خرج أمام صن داونز، بعد المباراة عرفنا إن في اجتماع والحقيقة مكنش في أي اجتماع المنظومة الإعلامية هي اللي قالت في اجتماع».

وأضاف: «الحقيقة تاني يوم مكنش في أي اجتماع والكابتن محمود الخطيب لوحده، هو اللي اتخذ قرار رحيل كولر، السوشيال ميديا تحكمت في قرار محمود الخطيب».

وتابع: «هل القرارت دي بتبقى محسوبة صح ولا محسوبة غلط، النهاردة النادي الأهلي قرر أنه يمشي كولر، وهو كمان تم إهانته في الملعب، اترمى عليه زجاجات مياة، وطلع إعلامي كبير قال مش ده جمهور الأهلي، لحد ما الفيديوهات كلها نزلت والناس شافت مين رمى زجاجات المياة، كتير من الأهلاوية اللي اتضايقوا من هذا المنظر».

وواصل: «حضرتك قبل ما تاخد القرار ده كنت حاسب العواقب بتاعته ولا عايز تفرح مجموعة من الجماهير اللي مش مقتنعة بكولر، اللي في نفس الوقت كانت بتقول عليه أعظم مدرب جه بعد مانويل جوزيه».

وأكمل:«حضرتك عشان تمشي كولر، مطالب إنك تدفع أكتر من 180 مليون جنيه، كولر، له شهرين ومكافآت وعقد الموسم القادم بالكامل، عشان تمشي المدرب آخر قبض ليه هيكون شهر يونيو 2026».

وأتم: «الأهلي هيمشي كولر، قبل شهر من كأس العالم عشان طلع من صن داونز! طيب إيه المشكلة الأهلي يطلع من صن داونز ما هو أتغلب في السوبر الأفريقي ما دي الكورة، انت كمجلس إدارة حسبتها إزاي؟ هتجيب 3 مليون يورو منين ؟».

يمكنك مشاركة الخبر علي صفحات التواصل