خرج عبدالرحمن، نجل الفنان سليمان عيد ليوجه الشكر لكل شخص عزا أسرته بعد وفاة الفنان الشهير، مشيرا إلى أنه يلتمس العذر لكن لم يستطع الذهاب الى العزاء، منوها إلى أن اي شخص لديه دينا عند والده يجب أن يخبره به حتى يكون والده عيدسليمان مرتاحا في قبره.

نجل سليمان عيد: ملتمسين العذر للي مجاش العزا وشكرا اللي وقفوا جنبنا

وكتب عبده سليمان عيد في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام من خلال خاصية ستوري: شكر الله سعيكم جميعا.. ملتمسين العذر لكل اللي مقدرش ييجي العزاء ومقدرين ظروف كل اللي كان نفسه ييجي ربنا يجعله في ميزان حسناتكم ويغفر لأبويا ويرحمه، شكرا لكل اللي طبطب على قلوبنا أنا وأمي وأختي.

وتابع نجل سليمان عيد حديثه: شكرًا من قلبي بجد لإخواتي وأصحابي وأساتذتي اللي وقفوا جنبي من أول لحظة وماسابونيش أبدا لحد دلوقتي يخليكم ليا ويباركلكم في حياتكم ويديم المحبة بيننا يا رب.. بحبكم أوي والله وكل واحد فيكم عارف هو عندي إيه، سامحوني فيه ناس كتير أوي بجد باعتينلي وأنا مش عارف أرد على العدد ده ومحدش يزعل أني الله أجركم مقدرتش أرد بس والله تسلم إيديكم وعظم الله أجركم جميعا والحمد لله على حب الناس.

نجل سليمان عيد: اللي ليه دين عند والدي يكلمني ضروري 

واختتم نجل سليمان عيد حديث، قائلا: آخر وأهم حاجة ورحمة أبويا الغالي كل من دفع في خارجة أبويا لحد النهاردة يبلغني بيه عشان يكون مرتاح ومطمن، ولو في حد له عندي أو عند أبويا أي حاجة أرجوكم يعرفني ضروري.

وسبق ووجه نجل سليمان عيد رسالة مؤثرة لوالده بعد رحيله، قال فيها: كل الناس جاتلي و دعيتلك الحمدلله والشكرلله على نعمة حب الناس ليك.. متخافش يا حبيبي انا كنت واقف راجل و هفضل راجل زي ما علمتني و كبر قلبي موجوع اوي اوي يابويا بس والله العظيم مطمن انك في احلى و اعظم مكان عند اللي احن مننا كلنا عليك وده اللي مصبر وجعي بحبك يا حبيبي وسندي وضهري وحشتني.

وفاة سليمان عيد 

هذا وكان قد رحل سليمان عيد عن عالمنا في يوم الجمعة الماضي بشكل مفاجئ بعد تعرضه لضعف في عضلة القلب إثر هبوط حاد في الدورة الدموية أدت إلى وفاته على الفور في فجر الجمعة وشهدت جنازته وعزءاه حضور كبير من قبل نجوم الفن والمشاهير.